Талас тынысы Талас аудандық газетінің веб порталы
Related Articles
Салық кодексінің 166 — бабының 1-тармағына сәйкес Қазақстан Республикасының аумағында ақшалай есеп айырысулар бақылау-кассалық машиналарды (бұдан әрі – БКМ) міндетті түрде қолдана отырып жүргізіледі.
Ақшалай есеп айырысулар деп тауарды сатып алу, жұмыстарды орындау, қолма-қол ақша және (немесе) Төлем карточкаларын және (немесе) мобильді төлемдерді пайдалана отырып есеп айырысулар арқылы қызметтер көрсету үшін жүзеге асырылатын есеп айырысулар түсініледі.
«Төлемдер және төлем жүйелері туралы» Қазақстан Республикасы Заңының 35-2) тармағына сәйкес мобильді төлемдер – электрондық нысанда дара кәсіпкер, жеке практикамен айналысатын тұлға, заңды тұлға ретінде тіркеу есебінде тұрған жеке тұлғаның пайдасына тауар сатып алғаны, жұмыстарды орындағаны, қызметтер көрсеткені үшін ақы төлеуге бастамашылық жасалған қолма-қол ақшасыз төлемдер, штрих-кодты пайдалана отырып төлемдерді қабылдауға арналған мобильді қосымша немесе өзге жабдық (құрылғы) арқылы алынады.
Осылайша, туристік алымды қабылдау тауарларды (жұмыстарды, көрсетілетін қызметтерді) сатумен байланысты болмағандықтан, БКМ қолдану бойынша міндеттеме салық заңнамасында белгіленбеген. Бұл ретте туристік алым қабылданған жағдайда БКМ-ны ерікті түрде қолдану да шектелмейді.
«Бухгалтерлік есеп және қаржылық есептілік туралы» ҚР Заңының 6-бабының 3-тармағына сәйкес операциялар мен оқиғалар бухгалтерлік жазбаларды бастапқы құжаттардың түпнұсқаларымен барабар нығайта отырып және бухгалтерлік жазбаларда барлық операциялар мен оқиғалардың көрінісін көрсете отырып, бухгалтерлік есеп жүйесінде көрсетіледі.
Осылайша, туристік алымды қабылдау фактісі бастапқы құжатты ресімдеу арқылы бухгалтерлік есепте көрсетілуі керек. Кіріс кассалық ордерінің нысаны «бастапқы құжаттардың нысандарын бекіту туралы» Қазақстан Республикасы Қаржы министрінің 2012 жылғы 20 желтоқсандағы № 562 бұйрығымен бекітілген.
Б.Есбергенов,
Талас ауданы бойынша мемлекеттік кірістер басқармасының бас маманы.
