Home / Аймақ / Ұлттың ұйытқысы — Ана

Ұлттың ұйытқысы — Ана

Индира Еркінқызы, «Talas tynysy».
Балалар өнер мектебінде облыстық ар­дагерлер кеңесі жанындағы аналар алқасының бастамасымен, аудандық аналар алқасының ұйымдастыруымен «Қоғамдағы аналардың мәр­тебесі» тақырыбында аумақтық семинар кеңесі болып өтті.
Жиынға облыстық ардагерлер кеңесі төрағасының орынбасары Ш.Дәулетбаев, облыс­тық аналар кеңесі жанындағы аналар алқасы жөніндегі комиссия төрайымы Х.Оспанова, аудан әкімінің орынбасары М.Үристенов және Жуалы, Байзақ, Жамбыл аудандары мен Тараз қалалық аналар алқасының мүшелері қатысты.
Семинар кеңесті аудандық ардагерлер кеңесі­нің төрағасы Ж.Әсемов ашып, жүргізіп отырды.
Семинар кеңесте аудандық аналар кеңесінің төрайымы Данагүл Молдабекова баяндама жасады.

  • Ана -ардақты ұғым. Ана отбасының ұйыт­қысы ғана емес, бүтін ұлтты тәрбиелейтін қасиетті жан. Сол үшін де біздер болашақ ананы ғана емес, ұлтты тәрбиелейтін тұлға тәрбиелеуіміз парыз,- дей келіп, аналар кеңесінің жұмыс барысымен таныстырды.
    Жарыссөзде аудандық билер кеңесінің төрағасы Сәулембай Әбсадықұлы сөз алып, бүтін бір ұлттың ұйытқысы саналатын ананың алатын орны ерекше екендігіне тоқталып, жас отбасылардың аяққа тұрып кетуіне ықпал етіп жүрген аналар алқасына ризашылығын білдірді.
    Тараз қалалық ардагерлер кеңесінің мүшесі Ж.Абылғазина атқарып отырған жұмыс ба­рысын тілге тиек етті. Байзақ ауданы аналар кеңесінің төрайымы Ш.Қапарова өз кезегінде Жаңа Қазақстанды құруда аналардың алатын орны мен ұлттық тәрбиені дәріптеу қажеттігіне тоқталды. Ауданның аналар кеңесінің тө­райымы К.Айтқұлова да жұмыс тәжірибесімен бөлісті. Жуалы аудан орталығында қамқорлық дүкенін ашып, онда кәсіпкерлер мен демеушілер және тұрғындар тарапынан түскен азық-түлік пен киім- кешектерді мұқтаж отбасыларға беріп отырғандығын баяндады.
    Семинар кеңесті облыстық аналар кеңесі жанындағы комиссия төрағасы Х.Оспанова қорытындылап, аналар алқасының атқаруға тиісті жұмыстарын пысықтады.
    Кеңес соңында бірқатар аналар алқа­сының белсенді мүшелері Алғыс хатпен марапатталды.

About DevTeam

Check Also

Латын әліпбиіне көшу-уақыт талабы

Қазақстан Республикасының президенті Қ.Тоқаевтың «Жаңа Қазақстан: жаңару мен жаңғыру жолы» атты биылғы жолдауында: «Жаңа Қазақстанды …

Добавить комментарий