Home / Дін және білім / Радикалды діни көзқарастың жеке тұлға мен қоғамға кері әсері

Радикалды діни көзқарастың жеке тұлға мен қоғамға кері әсері

Асылында ислам діні бұл — кемелділік діні. Қазақ даласы­на ислам діні келген уақыттан бастап ата-бабамыздың көзін ашып көргені, аузын ашып өпкені, тіпті күнделікті тұрмыс-тіршілігіне, салт-дәстүріне, ой-санасына, мәдениетіне сіңісіп, біте қайнасып кеткен дүниелер іспеттес қазақ руханиятының ажырамас бөлігі екендігі бесенеден белгілі.
Елбасымыздың «Біздің түбіміз — түрік, дініміз — ислам, кітабымыз -Құран»-деген сөзі осының айқын куәсі болмақ. Алайда, кейінгі жылдары осы тамыры тереңде жатқан рухани ұстанымыздың өзегіне өрт түсіргісі келетін теріс пиғылды топтардың қарасы табылатындығы да әмбеге аян. Осындай ұлтымыздың тамырына балта шапқысы келетін, салт-дәстүрімізді адасқанның шатпағы деп түсінетін теріс пікірлерден ада қылдыру мақсатымен Жамбыл облыстық дін саласындағы ақпараттық –түсіндіру тобының (II топ) мүшелері Алмас Құлымбетов және Азамат Балходжаев Талас аудан тұрғындары (жұмыссыздар, өзін-өзі жұмыс­пен қамтамасыз етуші­лер мен кәсіпкерлер, поли­ция қызметкерлері, жал­дамалы жұмысшылар, еңбек ұжымдары, медицина қызмет­керлері) арасында барлығы 300 адамды қамтыған 15 іс-шара өткізді. Іс-шара барысында дәстүрлі ислам турасында, Қазақстан аумағында рұхсат етілген мазхаб жайында ақпараттар берілді. Радикалды діни көзқарастың қоғамға, оның ішінде жеке тұлғаларға айтарлықтай зардабы бар екендігін егжей-тегжейлі түсіндіріп берді. Қорыта айтқанда, Қазақстан Республикасының еңселі ел болуы үшін ең бірінші руханиятының аманда болғаны лазым. Діні, тілі ақсаған елдің өзегі қақсайды, ілгері бір табан баспайды,- демекші ел үшін, дін үшін, тіл үшін тақым талдырып жүрген азаматтарымыздың амандығын берсін. Осы тұс­та айтарымыз бала­лар­дың, жалпы жастардың радикалды діни көзқарастың құрбаны болмас үшін, оларды жастайынан ізгі­лік­ пен имандылыққа, отан­сүйгіштік пен адалдық­қа баулу және адами қасиеттерді бойларына сіңі­ру мәселесінде отбасы үлкен рөл атқаратындығын әрбіріміз білуіміз қажет.
Жанұзақ Әнебеков,
Талас аудандық ақпараттық түсіндіру тобының мүшесі, теолог.

About DevTeam

Check Also

Бақытымыз — балалардың шат күлкісі

Аудан әкімдігінің білім бөліміне қарасты мектептерде қараша айының екінші жартысында Білім және ғылым министрлігінің бастамасымен …

Добавить комментарий