Home / Қаржы / Салауатты ұлт-саналы ұрпақ

Салауатты ұлт-саналы ұрпақ

Нарбол Қашаған, «Talas tynysy».

Ел егемендігін алған жиырма сегіз жылдан
бергі уақыт ішінде мемлекет тарапынан
бұқаралық спорт түрлерін дамыту
бағытында қыруар жұмыстар атқарылды.
Бұл бағытта ауданымызда да жыл санап спорт ғимараттары­ның қатары артып келеді. Жастарды салауат­тылыққа шақыратын сондай спорт нысанының бірі күні кеше ғана Қаратау қаласында ел игілігіне ұсынылды.
Тәуелсіздік күні мерекесіне орай пайдалануға берілген спорт алаңы аудандағы бокстан және спорт ойындары түр­лерінен балалар-жасөспірімдер мектебіне қарасты. Алаң көгалдағы хоккейге қатысып жүрген жасөспірімдерге ар­налған. Жалпы, аталған мектеп көгалдағы хоккей ашылғалы үш жыл ішінде 20 спорт шеберін, отыздан аса спорт шебері­не үміткер дайындап шығарды. Бұл мекеме басшысы Дүйсен Бөлегенов бастаған жаттықтырушылардың еңбегі деп бағалағанымыз жөн. Нысанның құрылысына жергілікті бюджеттен 6 млн. 496 мың теңге қарастырылған.
Жасөспірімдерге арналған спорт алаңының ашылу салтанатына аудан әкімінің орынбасары Қадірбек Садубаев арнайы келіп құттықтады. Сондай-ақ, шарада аудандық мәслихаттың депутаты Доқторбек Мәселбеков, аудандағы бокстан және спорт ойындары түрлерінен балалар-жасөспірімдер спорт мектебінің директоры Дүйсен Бөлегенов, Бостандық ауылындағы балалар-жасөспірімдер спорт мектебінің директоры Мұрат Айғараев және Қаратау қаласының әкімі Қайрат Серимов ізгі лебізін жеткізіп, мекеме жұмысына сәттілік тіледі.
Мұнана соң салтанатты жағдайда Қадірбек Рысқұлбекұлы жаңа алаңның лентасын қиды.

About DevTeam

Check Also

Коронавирус инфекциясы бойынша эпидахуал

Бүгінгі күнге дейін, яғни 24 мамыр күнгі мәліметке сәйкес Қазақстан Республикасы бойынша короновирус инфекциясымен ауырған …

Добавить комментарий